Mirza Ghalib Ghazal

Naqsh fariyadi hai kis ki shokh e tehreer ka
Kaaghazi hai perahan har pekar e tasveer ka !

Ka’w kaw e sakht jani haye tanhai na pooch
Subh karna shaam ka, lana hai joy e sheer ka !

Jazba e be ikhtiyar e shoq dekha chahiye

Seena e shamsheer se bahar hai dam shamsheer ka !

Aagahi daam e shaneedan jis qadar chahe bichhaye
Mudd’a anqa hai apne aalam e taqreer ka !

Bas ke hun Ghalib aseeri mein bhi aatish zer e paa
Moy e aatish deeda hai halqa meri zanjeer ka !!

Advertisements

Galib Shayari

Ghar jab bana liya tere dar par kahe baghair,
Janega ab tu bhi mera ghar, kahe baghair !

Kehte hain jab rahi na mujhe taqat e sukhan,
Jaanu kisi ke dil ki main kyon kar kahe baghair !

Kaam us se aa para hai ke jis ka jahan mein naam,
Leway na koi naam sitamgar kahe baghair !

Ji mein hi kuch nahi hai hamare wagarna hum,
Sar jaye ya rahe, na rahein par kahe baghair !

Chhoronga main na us but e kaafir ka poojna,
Chhoray na khalq go mujhe kaafir kahe baghair !

Behra hun to chahiye douna ho iltefaat,
Sunta nahi hun baat mukarrar kahe baghair !

Ghalib na kar huzoor mein tu bar bar arz,
Zaahir hai tera haal sab un par kahe baghair !!